Utekonsert med Sigvart Dagsland
Sigvart DagslandFoto: Hans Fredrik Asbjørnsen

Utekonsert med Sigvart Dagsland

Laurdag 15. juni spelar Sigvart Dagsland i Uteamfiet i Ivar Aasen-tunet under Dei nynorske festspela.

– Det er veldig kjekt å få ønskje Sigvart Dagsland velkomen tilbake til Ivar Aasen-tunet. Med både tekst og tonar klarer han å ta tak i djupe og alvorlege tema og skape vakker musikk med brei appell, seier programansvarleg Olav Øyehaug Opsvik i Aasen-tunet.

Sigvart Dagsland er ein folkekjær artist med stort og allsidig repertoar. Sidan 1985 har han gitt ut 15 soloalbum, halde eit utal konsertar og fått fleire prisar, mellom anna Prøysenprisen i 2008. Dagsland debuterte som tekstforfattar på det tiande albumet sitt, «Fri» i 1998, og har seinare skrive mange av tekstane sine sjølv. Dagsland har seld meir enn 250 000 plater berre i Noreg.

Den folkekjære artisten kjem til Dei nynorske festspela med fullt band. – Dagsland-billettane er lagde ut for sal, og eignar seg godt som julegåver, avsluttar Opsvik.

Dei nynorske festspela blir arrangert 13.–16. juni 2019 i Ørsta og Volda, med Carl Frode Tiller som festspeldiktar og Forteljingar som tema. Festspelpass og billettar til konsert med Mari Boine er også lagde ut for sal.

Meir om Sigvart Dagsland på Allkunne.no.

 

Laurdag 15. juni kl. 21.00

Sigvart Dagsland med band

Kr 400 i amfiet / honnør, student og ungdom 300 / barn 200

Kjøp billett her